Shabdasari

Description

पाऊस आणि मौन दोन परस्परविरोधी वाटणाऱ्या, पण अंतर्मनाशी नातं सांगणाऱ्या भावना. एक सळसळती अनुभूती, दुसरी स्तब्धतेतील खोल खोल प्रवास.
या कविता म्हणजे पावसाच्या सरीत भिजलेले काही शब्द, आणि मौनात उमललेले काही भाव. पावसाच्या टपटपणातही एक लय असते, तरमौनातही असतो एक आवाज — मनाचा, आठवणींचा, आणि क्वचित हरवलेल्याचाही.
या कवितांत तुम्हाला भेटतील रेंगाळलेले क्षण, पावसात हरवलेली मने,शब्दांआड दडलेली तगमग, आणि श्वासांआड उमटणारा अर्थ. कधी पावसातले थेंब आपल्या आत उतरत जातात, तर कधी मौनाचा एक क्षण आयुष्यभर पुरतो.
या संग्रहातील प्रत्येक कविता ही त्या दोघांची—पाऊस आणि मौनाची —कधीकधी एकत्र, तर कधी स्वतंत्र झालेली गोष्ट आहे. वाचताना तुमचे स्वतःचे काही पावसाळे जागे होतील, आणि काही मौनाच्या वाटा पुन्हा आठवतील.
शब्दांत गुंफलेला हा भावनांचा प्रवास तुम्हाला सहज घेऊन जाईल, कधी एखाद्या चिंब ओल्या आठवणीत, तर कधी मौनाच्या कुशीत हरवलेल्या स्वतःत.